O próximo 29 de outubro ás 18:00 horas, o CEIP San Benito de Lérez acollerá unha das paradas da Gira TDAH 2025, unha iniciativa que percorre diferentes puntos de Galicia para achegar información, experiencias e apoio arredor do Trastorno por Déficit de Atención e Hiperactividade (TDAH).
A xornada estará conducida por Paula Rodríguez, psicóloga xeral sanitaria, especialista en adolescencia, trastornos da conduta, aprendizaxe e TDAH, quen ademais se define como unha “TDAH supervivente ao sistema educativo”. A súa experiencia profesional e persoal fan dela unha voz de referencia neste ámbito.
👉 A actividade está organizada pola ANPA O Areeiro e é de entrada libre, polo que está aberta a toda a comunidade educativa e ás familias interesadas en coñecer máis sobre o TDAH, comprender mellor as dificultades ás que se enfrontan moitos nenos e nenas e descubrir estratexias para apoiar o seu desenvolvemento persoal e académico.
Unha cita para aprender e compartir
O obxectivo desta xira é derrubar prexuízos, mellorar a comprensión do TDAH e crear espazos de diálogo entre profesorado, familias e profesionais da saúde.
📍 Data: 29 de outubro
📍 Lugar: CEIP San Benito de Lérez (Pontevedra)
🕕 Hora: 18:00 h
🎟 Entrada libre
Dende a ANPA O Areeiro animámosvos a asistir e participar nesta oportunidade única de aprendizaxe e reflexión con Paula Rodríguez.
