O próximo luns 17 de abril, iniciamos no Ceipp San Benito de Lérez os talleres dirixidos ao todo o alumnado, dentro do PROXECTO “A HORTA ESCOLAR, ESPAZO DIDÁCTICO E COMUNITARIO” co propósito de poñer en marcha e mantemento da horta existente no centro.
Estes talleres están deseñados coa metodoloxía APRENDENDO A FACER A NOSA HORTA, achegando ao alumnado ás técnicas e coidados básicas de cultivo, entre elas a preparación do terreo, abonado, sementar, plantar, técnicas de cultivo ecolóxico: asociacións e rotacións, fauna beneficiosa, obtención de fertilizante orgánico a través da compostaxe, utilizando a composteira do centro, depositando alí os restos de plantas e herbas sacadas da horta e observar “in situ” o ciclo vital das plantas, de xeito activo a través do descubrimento, da observación e da experimentación. Tamén introducindo conceptos como a contaminación dos solos e as augas, a reutilización dos recursos, coñecendo as plantas horticolas máis comúns nas nosas hortas, as súas características, coidados e requerimentos para o seu cultivo, así como as partes das mesmas que utilizamos na nosa alimentación.
Estes talleres tamén permiten poñer en valor e afondar en valores como o traballo en equipo, a cooperación, a axuda mutua e comunitaria, que contribuían a construir unha cidadanía solidaria e respetuosa co medio natural e o estilo de vida do rural.
Dado que o centro está situado nunha zona rural, e moitas das persoas participantes poden ter horta ou estar familiarizadas con ela, animarase ao alumnado a investigar no seu entorno familiar e veciñal, sobre os usos, costumes, tradicións e cultura en relación ca horta, e durante a realización da actividade poderán os nenos e nenas compartir as súas experiencias e coñecementos en torno á mesma.
De feito para a limpeza da horta e preparación dos diversos bancais que se fixo na tarde do martes 11 de abril, contouse, a parte da educadora ambiental responsible dos talleres, persoal da Anpa, a fantástica colaboración de dúas avóas, as cales daban conta da experiencia enriquecedora e satisfactoria de “botar unha man nunha actividade para o colexio”, e o estupendo que ía ser compartir cos seus respectivos netos esta actividade.
Este proxecto ten como obxetivos:
– Achegar ao alumnado coñecementos sobre o contorno natural inmediato.
– Ensinar cómo preparar e poñer en marcha a horta da escola.
– Concienciar sobre problemas ambientais xerais, promovendo actitudes e hábitos de coidado e responsabilidade ambiental
– Iniciar nas tarefas agrícolas. Dar a coñecer as técnicas de agricultura ecolóxica
– Valorar a importancia do consumo de productos frescos, saúdables e de proximidade.
– Fomentar a participación de toda a comunidade educativa no espazo educativo e comunitario da horta.
A continuación indicamos o cronograma previsto por nivel educativo:
CRONOGRAMA DA ACTIVIDADE DE POSTA EN MARCHA DA HORTA ESCOLAR 2022-2023
(Actividade condicionada a climatoloxía, se chove posponse)Nivel educativoNº nenasNº nenosSESIÓNSDATASHORARIO
| 5º de Primaria | 9 | 11 | 2 (reparto grupo) | LUNS 17/04/2023 | 1ª sesión 09:15-10:05 h 2ª sesión 10:05-10:55 h |
| 6º de Primaria | 9 | 11 | 2 (reparto grupo) | LUNS 17/04/2023 | 3ª sesión 10:55-11:35 h 4ª sesión 12:35-13:25 h |
| 6º Infantil | 11 | 9 | 1/1er. Grupo (10) | MÉRCORES 26/04/23 | 1ª sesión 09:15-10:05 h |
| 5º Infantil | 3 | 10 | 1 | 2ª sesión 10:05-10:55 h | |
| 6º Infantil | 11 | 9 | 1/ 2º grupo (10) | 3ª sesión 10:55-11:35 h | |
| 4º Infantil | 6 | 4 | 1 | 4ª sesión 12:35-13:25 h | |
| 1º de Primaria | 3 | 5 | 1 | 5ª sesión 13:25-14:15 h | |
| 2º de Primaria | 11 | 4 | 1 | XOVES 27/04/23 | 1ª sesión 09:15-10:05 h |
| 3º de Primaria | 6 | 5 | 1 | 2ª sesión 10:05-10:55 h | |
| 4º de Primaria | 8 | 11 | 2 (reparto grupo) | 3ª sesión 10:55-11:35 h 4ª sesión 12:35-13:25 h |
A actividade está organizada pola Anpa “O Areeiro” en coordinación coa a dirección e o profesorado do centro, xunto coa colaboración de familias que se están animando a “botar unha man”, xa que teñen coñecementos de como facer hortas. Calquer persoa interesada en axudar que contacte coa Anpa, “todas as mans son necesarias”.
A financiación corre por conta das familias socias da ANPA, que contan coa colaboración do servizo de Educación do Concello de Pontevedra.
A Directiva da ANPA.
